சென்னை ஈ.சி.ஆர். சாலை, பாலவாக்கம் பெரியார் தெருவில், விநாயகர் சதுர்த்தியை முன்னிட்டு பிரம்மாண்டமான விநாயகர் சிலை பிரதிஷ்டை செய்யப்பட்டது.
விநாயகர் சதுர்த்தியை முன்னிட்டு அப்பகுதியில் சிறப்பாக ஏற்பாடு செய்யப்பட்டிருந்த இந்த விழாவில், ஏராளமான பக்தர்கள் கலந்து கொண்டு விநாயகரை தரிசனம் செய்து வழிபட்டனர். மலர்கள், மாலைகள் மற்றும் பல்வேறு அலங்காரங்களுடன் காட்சியளித்த பிரம்மாண்ட விநாயகர் சிலை பக்தர்களின் கவனத்தை வெகுவாக ஈர்த்தது.
விழாவையொட்டி விநாயகருக்கு சிறப்பு பூஜைகள் மற்றும் வழிபாடுகள் நடைபெற்றன. பக்தர்கள் பக்திப் பரவசத்துடன் விநாயகரை வழிபட்டு, தங்களது வேண்டுதல்கள் நிறைவேற வேண்டி பிரார்த்தனை செய்தனர்.
பொதுமக்கள் திரளாக கலந்து கொண்டதால், விழா நடைபெற்ற பகுதி முழுவதும் ஆன்மிக மற்றும் விழாக்கோலம் நிறைந்திருந்தது. மின் விளக்குகள் மற்றும் அலங்காரங்களால் விழா நடைபெறும் பகுதி அழகுற காட்சியளித்தது.
இந்த விழாவிற்கான ஏற்பாடுகளை அமைப்பாளர் திரு. K. வேலு சிறப்பாக மேற்கொண்டார்.
“விநாயகர் அருள் அனைவருக்கும் கிடைத்து, அனைவரது வாழ்விலும் மகிழ்ச்சியும், நல்லாசியும் பெருகட்டும்” என்ற பிரார்த்தனையுடன் விழா சிறப்பாக நடைபெற்றது.
-செய்தியாளர் B. நவின்குமார்
About the Author
